صاحبنا واقف على الكوبرى

الاء وكريم واقفين فى عز الظهر على الكوبرى



الاء : (برومانسيه) شايف النجوم يا كريم

كريم: نجوم ايه بس فى عزالظهر دا انا الشمس حرقت افايا

الاء: الله ياكريم بص السحابه اللى هناك دى اللى عليها العصافير

كريم: لا والله ياحبيبتى انا مش شايفها بس شايف دخان عربيات خنقنى

الاء : يوووووووه ييا كريم خليك رومانسى شويه

كريم: رومانسى ايه بس وانتى مخرجانى فى عز الضهر كده انا الشمس كلت وشى وقالت انا شبعت

الاء: انت مش بتحبنى والا ايه


كريم: ياستى بحبك

الاء : لاء انت كداب انت مش بتحبنى

كريم: يعنى اولع فى نفسى بجاز عشان
تصدقى انى بحبك

الاء : (والدموع على خدها) لا يا كريم انت اتغيرت خالص

كريم: ياحبيبتى والله بحبك

الاء : لاءيا كريم صلح اللى انت عملته

كريم: وهو انا كنت عملت ايه بس

الاء: (تعيط) اهئ اهئ اهئ

كريم: بتعيطى ليه دلوقت

الاء : كريم طلقنى يا كريد

كريم: هوا احنا لسه اتجوزنا عشان اطلئك

الاء:يعنى كمان مش عايز تطلقنى

كريم يشد فشعره) يادى الليله السودا انا ايه اللى خرجنى بس

الاء: كمان خليتها ليله سودا .. يعنى انا اللى خرجتك غصب عنك

كريم: ياستى مش قصدى. بصى انا مش هرد عليكى عشان مانتخانئش

الاء : للدرجادى قرفان منى

كريم: (وشه يحمر من الغيظ) يعنى انتى عايزه تتخانئى وخلاص

الاء: يعنى انا نكاديه يا كريم

كريم: لاء ......انا

الاء : انت بتاخدنى على اد عقلى

كريم: حقك عليا وادى راسك ابوسها

الاء: ياسلام كده بكل بساطه

فجأه يقف كريد على سور الكوبرى ويرمى نفسه فى الميه

الاء : تفتكر ييا كريم انى كده هسامحك

هههههههههههههههههههه
دا بدل عمر و سلمى يعنى قصه جديده من تاليفك ولا ايه
بس كريم اللى فى القصه دا اكيد مش كريم اللى معانا فى المنتدى
ههههههههههههههه معندناش بحر فى المنتدى احنا