الرئيسية
عارف ليه بدوخ وانا معاك
لأن كل نفس بيخرج مني بتدخل مكانه انت لحد ما تخلص أنفاسي
وأدوخ من حبك والغريبة إني بفضل أدوخ لحد ما يموتني حبك
عارف : أنا خلاص مش قادرة أفتح عنيا
لأن آخر حاجة حضنتها قبل ما تغمض هي صورتك
بحس وأنا معاك إن البرد أجمل شئ في الدنيا
لأني بحتاج دفا وانت الدفا وأنا بحب احتياجك ليكي
وبحب قلقك وانتي بتسألنى ” بتحبينى “
لأني ف لحظة سؤالك بدوب في حبك
ببقى نفسي أحضن قلقك وأضمك لقلبي عشان تعرف بنفسك أد ايه قلبي بيحبك .
حتصدقنى لو قلتلك إني بحب كل تفصيلة صغيرة فيك
مسكتك لفنجان الشاي وهو في حضن ايدك
بحة صوتك وانت لسه صاحي لما بفاجئك بتلفون الصبح
ده أنا حتى بحب لبسك لأنه عليك بيبقى منك , زيي كده من يوم ما عرفتك وأنا حاسه انى مِنك
بحبك وببشوف جمالك بيكبر على ايديا زي طفل صغير بحس انه حته مني , ايوه متستغربش بحسك حته مني أو أنا حته منك لحد ما بقيت أحس بغربة لو ثانيه بعدت عنك
ولما بنسيب بعض بعد اللقا بحسني رحت معاك ورجعت ب… بلاقيني مرجعتش , دايما بنساني في شنطة حنانك وانت بتكون عارف انك نستنى عندك وبتمشي من غير ما تقول عشان ارجع تاني أكلمك وأخدني منك ويا رتني بقدر أخدني منك
حتصدقنى لو قلتلك إني مبشفش أي حاجة غيرك وانا معاك
لا بشوف الطريق ولا العربيات ولا البنات ولا الشباب ومبعرفش أنا رحت فين وجيت منين غير إني غرقت في عينيك واتلقاني قلبك
حتصدقنى لو قلتلك إن أي مكان بتيجي فيه بحسه بيتلون بالورد
والنهار والجمال لحد ما بقيت أعشق كل الأماكن اللي شفتك فيها
وشربنا فيها فنجان حب سوا وبعشق الدوار اللي بيضني قلبي لما بيضم نبضك وبعشق سماعة التلفون اللي حضنت صوتك والورق اللي باس ايديك وانتي بتكتبلى وحشتك
حتصدقنى لو قلتلك إني لأول مرة في عمري أخش انام وأنا فرحان ببكره لأني حشوفك فيه
إنت عارف اني مبقتش أشيل هم أي مشكلة تحصلي ولا ازعل على أي حاجة بخسرها لأني حرجع في آخر اليوم اضمك وانسى همومي في حضنك
انت عارف إني أول مره في حياتي أحس إني بحب كل الناس اللي بيحبوني واللي مش بيحبوني وأغرقهم حب لأنك ملتيني حب وبقيت بدل ما باخد من الناس بدي
ياااه تصور أنا حبيت الكتابة عشان بكتبلك
عشان تمسك كراستي وتغرق في عيونك وبعدين تخطفني عينيك وهي بتسألني بأحلي نظره حب وفرحة ” الكتابه دي ليا ” وقلبي يوجعني واقول أيوه أيوه يا قلبي يا روح قلبي
قبلك مكنش فيه حياة وبعدك بقيت انت ومبقتش عارفه فيني منك
انت يمكن بتقلقي ساعات لما بغيب عليك بكلام يطمن قلبك وانا عمري كله بقى خوف وقلق ثانيه تعدي من غيرك
حد يدخل الجنة ويقدر يرجع لحظة للنار
حد يقدر يدخل قلبك ويعرف يعيش ثانيه بره نبضك
عايزاني اقول بحبك
حتصدقنى لو قلتك إن نفسي بيتقطع لو فكرت ف لحظة قد ايه بحبك واني بكتبها عشان اقدر اقولها وعشان متقلقش عليا لو قلتها قدامك وتعبت منها لأني حقيقي بيقتلني قلقك
عارف : بعشق طفولتك وأضم حلم لقيته فيك وانام في حضنك غرقان حنان
عارف بحب ابتسامتك وفرحة عنيك لما نتقابل ونقع في عنين بعض دوبنا الاشتياق ونسند بعض عشان نقف واقولك وحشتنى وتقولي وحشتك ونرجع نقع تاني وتتبعتر اشواقنا في عيونا
عارف : أوقات كتير ببقى نفسي اقولك بحبك
وعمري ما عرفت اقولها زي ما انا حساها ولا عمري حعرف
يارب تنال اعجابكم
تحياتى لكم
لأن كل نفس بيخرج مني بتدخل مكانه انت لحد ما تخلص أنفاسي
وأدوخ من حبك والغريبة إني بفضل أدوخ لحد ما يموتني حبك
عارف : أنا خلاص مش قادرة أفتح عنيا
لأن آخر حاجة حضنتها قبل ما تغمض هي صورتك
بحس وأنا معاك إن البرد أجمل شئ في الدنيا
لأني بحتاج دفا وانت الدفا وأنا بحب احتياجك ليكي
وبحب قلقك وانتي بتسألنى ” بتحبينى “
لأني ف لحظة سؤالك بدوب في حبك
ببقى نفسي أحضن قلقك وأضمك لقلبي عشان تعرف بنفسك أد ايه قلبي بيحبك .
حتصدقنى لو قلتلك إني بحب كل تفصيلة صغيرة فيك
مسكتك لفنجان الشاي وهو في حضن ايدك
بحة صوتك وانت لسه صاحي لما بفاجئك بتلفون الصبح
ده أنا حتى بحب لبسك لأنه عليك بيبقى منك , زيي كده من يوم ما عرفتك وأنا حاسه انى مِنك
بحبك وببشوف جمالك بيكبر على ايديا زي طفل صغير بحس انه حته مني , ايوه متستغربش بحسك حته مني أو أنا حته منك لحد ما بقيت أحس بغربة لو ثانيه بعدت عنك
ولما بنسيب بعض بعد اللقا بحسني رحت معاك ورجعت ب… بلاقيني مرجعتش , دايما بنساني في شنطة حنانك وانت بتكون عارف انك نستنى عندك وبتمشي من غير ما تقول عشان ارجع تاني أكلمك وأخدني منك ويا رتني بقدر أخدني منك
حتصدقنى لو قلتلك إني مبشفش أي حاجة غيرك وانا معاك
لا بشوف الطريق ولا العربيات ولا البنات ولا الشباب ومبعرفش أنا رحت فين وجيت منين غير إني غرقت في عينيك واتلقاني قلبك
حتصدقنى لو قلتلك إن أي مكان بتيجي فيه بحسه بيتلون بالورد
والنهار والجمال لحد ما بقيت أعشق كل الأماكن اللي شفتك فيها
وشربنا فيها فنجان حب سوا وبعشق الدوار اللي بيضني قلبي لما بيضم نبضك وبعشق سماعة التلفون اللي حضنت صوتك والورق اللي باس ايديك وانتي بتكتبلى وحشتك
حتصدقنى لو قلتلك إني لأول مرة في عمري أخش انام وأنا فرحان ببكره لأني حشوفك فيه
إنت عارف اني مبقتش أشيل هم أي مشكلة تحصلي ولا ازعل على أي حاجة بخسرها لأني حرجع في آخر اليوم اضمك وانسى همومي في حضنك
انت عارف إني أول مره في حياتي أحس إني بحب كل الناس اللي بيحبوني واللي مش بيحبوني وأغرقهم حب لأنك ملتيني حب وبقيت بدل ما باخد من الناس بدي
ياااه تصور أنا حبيت الكتابة عشان بكتبلك
عشان تمسك كراستي وتغرق في عيونك وبعدين تخطفني عينيك وهي بتسألني بأحلي نظره حب وفرحة ” الكتابه دي ليا ” وقلبي يوجعني واقول أيوه أيوه يا قلبي يا روح قلبي
قبلك مكنش فيه حياة وبعدك بقيت انت ومبقتش عارفه فيني منك
انت يمكن بتقلقي ساعات لما بغيب عليك بكلام يطمن قلبك وانا عمري كله بقى خوف وقلق ثانيه تعدي من غيرك
حد يدخل الجنة ويقدر يرجع لحظة للنار
حد يقدر يدخل قلبك ويعرف يعيش ثانيه بره نبضك
عايزاني اقول بحبك
حتصدقنى لو قلتك إن نفسي بيتقطع لو فكرت ف لحظة قد ايه بحبك واني بكتبها عشان اقدر اقولها وعشان متقلقش عليا لو قلتها قدامك وتعبت منها لأني حقيقي بيقتلني قلقك
عارف : بعشق طفولتك وأضم حلم لقيته فيك وانام في حضنك غرقان حنان
عارف بحب ابتسامتك وفرحة عنيك لما نتقابل ونقع في عنين بعض دوبنا الاشتياق ونسند بعض عشان نقف واقولك وحشتنى وتقولي وحشتك ونرجع نقع تاني وتتبعتر اشواقنا في عيونا
عارف : أوقات كتير ببقى نفسي اقولك بحبك
وعمري ما عرفت اقولها زي ما انا حساها ولا عمري حعرف
يارب تنال اعجابكم
تحياتى لكم
» انا مصرررررررررررررررررررى
» أول مره اعرف ان الوضوء معناه كذا
» صـمتي لغه لا يفـهـمها إلا..........
» خطأ x خطأ x خطأ !!!!
» النت ايام الجاهلية
» يقولوا لية اتركة وهو يرجع بلهفتة
» فطيرة الكمثرى (الأجاص)
» ازمه ضميرر