رباعيات صلاح جاهين

سمعت نقطه ميه جوه المحيط بتقول
لنقطه متنزليش فالغويط اخاف عليكى
م الغرق قلت انا..............ده
اللى يخاف م الوعد يبقى عبيط يبقى عبيط
عجبى!

سرداب فمستشفى والاده طويل صرخات
عذاب وره كل باب وعويل...
وفالطريق متزوقين البنات
متزوقين للحب والموويل عجبى!!!!!!




عجبى عليك يا زمن يا ابو البدع
يا مبكى عينى دما......
ازاى انا اختار لروحى طريق وانا
اللى داخل فالحياه مرغما
عجبى!


دخل الربيع يضحك لقانى حزين
نده الربيع على اسمى لم قلت مين
حط الربيع ازهاره جنبى وراح
وايش تعمل الازهار للميتين
عجبى!

ايش تطلبى يا نفس فوق كل ده
حظك بيضحك وانتى متنكده
ردت قلتلى النفس قول للبشر
ميبصوليش بعيون حزينه كده
عجبى!



الدنيا صندوق الدنيا درو بعد دور الدكه

هى وهى كل الديكور

يمشى اللى شاف ويسيب لغيره مكان

كان عربجى او كان امبراطور
عجبى!!!!!!



يا طير يا عالى فالسما طظ فيك

متفتكرش ربنا مصطفيك برضك بتأكل دود

وللطين تعود تمص فيه يا حلو ويمص فيك

عجبى!!!!!!!!!!



شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج

ووعجبي

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!



- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!


وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!

أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!
جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!
و عجبى و عجبى و عجبى