دروس فى اللماضة

هو دروس فى اللماضه ازاى تبقى لمض وتجنن اللى قدامك هقلكو حبه حاجات مهمة فى اللماضه ...

* لما تسأل واحد وتقلو اقول ولا مقولش ..يقلك قول ..قله قول وطعميه .

*لما تسأل واحد وتقله صح ولا غلط ..يقلك صح ..قله صح النوم .

* لما تسأل واحد وتقله الكلام دا حصل ..قالك حصل ..قله حصل وطحينه.

* لما واحد يقلك انا جيت نورت البيت قله ..لا دا نور السطوح.

*لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان.

*لما واحد يقلك صباح الخير ..قله صباااااااح اللى بتغنى أو صباااح الدين الايوبى .

* لما تسال واحد ايه رايك فى حاجه ..وقالك جامده ..قله جامده برباط.

*لما تلاقى واحد لابس شيك كده او عامل حاجه حلو ..قله ايه الحلاوه ديه حلاوتك ديه ولا حلاوه الرشيدى الميزان .

* لما تلاقى واحد شكله حلو ..قله جمالك دا ولا جمال الدين الافغانى .

* لما واحد يقلك ان بيعمل حاجه ومش راضيه تتعمل ..قله ما انت فقر اه فقر وقطه .

* لما واحد يسألك انت فين ؟ ..قله انا فى العلبه وعلبه مكتوب عليها صحتك فى العلبه ديه حليب مصفى لاخر قطره .

* لما واحد يسألك انت مين ..قله بتاع الميلامين الجامد والمتين .

* لما واحد يقلك طز فى اي حد ..قله طز بلبن .


*لما واحد يقلك دا انا مفيش زايي واحنا اللى دهنا الهوا دوكو ..قله احنا اللى عملنا الهوا كروهات ولبسنا السمك مايوهات وخرمنهالو لما حبينا نغرقو.
وياريت تعجبكم المصطلحات الجميلة دى

ههههههههههههههههههه
باااشا من يومك ههههههههههههههه

ههههههههههههه ماشى يا معلم
ميرسى لمرورك

الدروس دى جميلة ولو ممكن تبعتلنا دروس فى الرخامة
لأنى بحاول أكون رخم مش عارف

هههههههههههههههههه
يا سلام بس كده دا احنا عندنا استاذه رخامه انت بس تامر
ههههههههههههههههههههههههههههههههههه
ميرسى لمرورك